యోగులు హృదయాల్లో వెలిగించుకున్న దీపం నీ నవ్వు.
నాకెలా దొరుకుతుంది? ప్రపంచాన్ని వెతికే నాకు?
అంటాడు చెలం.
నేను కూడా నిన్ను నా హృదయంలో దాచుకున్నాననుకున్నాను.
కళ్ళలో ఉంటావు తెల్సా.
ప్రతి ఆకు, ప్రతి కొమ్మా, ప్రతి చిగురూ
ఎంతో అందంగా, అద్భుతంగా కనిపించేవి.
జీవం లేనట్టు ఉన్నాయి రా. నువ్వు లేకపోతే. :(
ఈ కాలేజీ age సినిమాలు, ఏరా, పోరా స్నేహాలు ఎక్కువైపోయి cheap అయిపోయింది కాని,
నిన్ను నేను ఎంత ప్రేమగా, ప్రాణంగా,
గుండెచప్పుడు వింటూ శ్వాస పంచుకునేంత దగ్గరగా
రా.. రా.. అంటానో తెల్సా.
నువ్వంటే ప్రాణం రా. పిచ్చి కన్నా.
నీకు చాలా secrets చెప్పాలి.
నాలోనే దాచుకునీ దాచుకునీ
చాలా బరువైపోతోంది...
యోగుల హృదయాల్లో, వేణువు చిల్లుల్లో
ఉండే దీపం, రాగం నాకు తెలీవు కానీ,
నిద్ర పట్టని రాత్రుల్లో, ఎర్రబడ్డ నేత్రంతో
దిండు మీద ఇంకిన కంటిబొట్టు నువ్వు.
నీకై కన్న కలల్లో, లోకం మరచిన వేళల్లో
నన్నే నేను కొరుక్కున్న పంటి గాటు నువ్వు.
గుండెలో వేసుకున్న పచ్చబొట్టు రా నువ్వు.
Saturday, May 22, 2010
Subscribe to:
Post Comments (Atom)
Hello Ramakrishna
ReplyDeletebAgundi idi ! Yogulaki prEmaki bAgundi ee lanke.