అంగుగా అల్లిన మన కలల దండ
తెంపేసి ఒంపేసి నువు వెళ్లిపోతే
నేలంత ఒలికిన నాటి ఊసుల్ని
ఎవరికీ చెల్లని ఈ ఒట్టి పూసల్ని
ఒక్కటొక్కటి తీసి నేనేరుకుంటే
పూస పూసలో కదిలి నీ చిన్నినవ్వు
గురుతొచ్చి నాకళ్ళ నీవె నిండంగా
గుండె గొంతుకతోన ఎంకన్నసామికి
కళ్ళ నిండుగ నీట నేను మొక్కంగా
చల్లంగ ఉండాలి నా చిట్టితల్లి
ఏలుకునే చేతుల్లొ ఎంకన్న కడుపులో.
No comments:
Post a Comment