ప్రణయగానం

మన కథే మరులుగా మెరిసెనో
అమరమై ఈ విరులుగా విరిసెనో
ప్రేమదేవతార్చనై
నీ గళం నా గళం కలసి గానము చేయగా

వెల్లువై వెన్నెల
వెలను దాచిన అలలుగా
వెనుక విన్న కలల సాక్ష్యమిచ్చెనో
ఆ నాటి ఆశ
వీడనన్న బాస
నీ పాటై నా పాటై నిలిచి ఉండునో

పాడనీ వరమని
కలసి కన్న కలలని
కలయికైన చెలిమి ఏ తొలి బంధమో
కాలాల తోటి
జన్మాలు దాటి
నీవెవరో నేనెవరో
ఏల కలిశామో

చెదరదీ బంధమే
మనవి చేసెను హృదయమే
ప్రణవమంటి ప్రణయమే నా ప్రాణమై
నా కంటి నిండా నీ రూపు నింపి
అలుపులేక ఎలమి గానం ఆలపించనీ