నిక్కము ముక్కోటి దేవతల నిజరూపమితడు
వెక్కసమగు మహిమలతోన వేంకటేశుడు
బుడుత ప్రాయమున నదిలో ఆటై
పడగపై పడిన పాదము
ఉడుత సాయముకైన ఉప్పొంగిపోయి
నెనరెడి నిమిరిన కరుణ రామకరము
వటువై బలితల భారమై నిలచి
వటపత్రము పైన వాటముగ తేలి
చిటికెన వేలితోనే కొండనెత్తి పెట్టిన వింత
అటుపై తులసికి కూడ తూగినాడంట
తులకింపు భక్తికి తూగ- తులలో
తులసీదళపు తులితమైన భక్తసులభము
కర్మకలితములైనా పాప ఫలితములైనా
తలచగా తొలిచెడి కరివరద అభయము
అంతరంగమున అంతా తానై
సంతసములనిచ్చు రూపము
చింతలన్నిటిని వింతచేసి మాపి
సంతపెట్టి పంపు ఎంత మంచి దైవము
నిక్కము ముక్కోటి దేవతల నిజరూపమితడు
వెక్కసమగు మహిమలతోన వేంకటేశుడు
-----------------------------------------------------
ముక్కోటి ఏకాదశి, 2012
No comments:
Post a Comment