ప్రియతమా

మాట మార్చితే తప్పనుకున్నా
మనిషిని మార్చుట చూసేవరకు
పాత జన్మల పద్దనుకున్నా
తీరిన అప్పని చెప్పేవరకు

తెలియక చేసిన స్నేహం కన్నా
తెలివితొ విడుచుట మేలనుకుంటివి
తడిసిన రెప్పల నీ తలపులలో
వలచీ వగచుట చాలనుకుంటిని.

మరచిపోతే ద్రోహము
మధురమంటే బంధము
వేచి ఉంటే జన్మము
కాచియున్నా మరణము

నీ రాక కోసం
ఎన్ని కాలాలు జన్మాలు కలలా గడపనా
నీ పేరు వింటూ
ఇన్ని నాదాలు వేదాల స్వరమై పాడనా

ప్రియతమా ప్రియతమా
ప్రాణమైన నేస్తమా
పిలిచినా నేరమా
కానరాని దూరమా